<p>{instance-name} ne esas servado e vu ne esas kliento hike. Ni esas mikra parto di plu granda chanjo, qua kreas granda socio descentraligita. To signifikas, ke ni ne devas esar neutra a la kontenajo di nia exemplero di GNU social. Se vu ne prizas la direciono, vers qua ca exemplero iras, vu povas libere livar ad altra exemplero od iniciar la vua. Vu povos ankore sequar ed esar sequata (e blokusata) da uzeri en ca exemplero.</p>
<p>Kontraste kun la dominaco administrala di la moyeni sociala komercala, to kreas ulsorta strukturo egala di povo. Ni esas kapabligita protektar l'una l'altra kontre persekuto ed opreso, ma sen censuro centraligita.</p>
<p>En ca exemplero, uzeri qui persekutas altri forigesos. Ni anke havas forta opiniono kontre ex. rasismo, sexuismo, kapablismo, anti-Semidismo, homeosexualodio e transsexualodio. Tala expresi igas la retoloko nesekura ad altra uzeri, e praktike restriktas lia libereso di expreso.</p>
<p>La publika tempolineo konsideresas kom loko specale sentiva. Lu esas quon nova uzeri vidas, ed omna registragita uzeri vidos la mesaji publikigita ibe. Moderanti darfas exkluzar uzeri de aparo en la publika tempolineo irgainstante, sen averto, permanante o provizore. Konsiderez kom privilejo publikigesar en la publika tempolineo, ne kom yuro. Se vu exkluzesus de publika tempolineo, vu povus ankore uzar omna altra funcioni, tote quale irga altra uzero.</p>
<p>Anunci ed enti komercala ne permisesas en ca exemplero. Ni esas komplete senprofita ed omna nia spensi pagesas per donaci da individui. <ahref="mailto:{instance-email}">Ni povas helpar vu</a> iniciar vua propra exemplero di GNU social se vua intenco esas komercala.</p>
<p>Omna uzero responsas pri la kontenajo quan lu sendas. Se vu havas irga questiono pri ulo enduktita en ca exemplero, kontaktez unesme la uzero aludita. Kom lasta rekurso, vu povas sendar mesajo al <ahref="mailto:{instance-email}">administranti</a>.</p>
